擇偶本來就不是只有單一條件，任何一個人都不是，通常都是多種不同條件撈埋一碟加權後的結果。即是所謂package。

（就算男人睇女人都一樣，就算娶妻求淑女，都唔係對樣貌身材完全沒期望，只是不同人的比重不同。相對黎講我自己唔介意人地身材相貌平平 – 反正我自己都係，比較介意講野係咪投契。）

港女（港男亦同，其實即是「港人」）的問題是mean，有鋪老闆使死人既癮。老闆見新畢業就嫌你冇經驗，有經驗既又嫌人冇學歷，講到尾都係想壓人價。

所謂「睇樣」或者「睇身家」都係咁上下，問題唔係想搵個樣貌端莊或者財政上照顧到自己既人，而係要求提得太高。例如港女諗住做少奶奶，但家陣男女平等同工同酬，坊間邊有咁多男人人工高你幾個開？靚仔嫌冇錢，有錢既又嫌唔靚仔（喂有錢又靚仔，吳彥祖全世界得一個），做百彈齋主咁咪惹人厭惡。

如果真係明中庸之道，搞清楚自己心中比利時，搵個各方面「分數」平衡既對象，就唔係挑剔了。

當然，眼緣既野其實係基因同文化互相影響既產物，下意識接受唔到，講咩道理都冇用。